Saturday, June 16, 2012

သစ်ထူးလွင် သတင်းစုစည်းမှု (၁၅-၆)


သစ်ထူးလွင်



Posted: 15 Jun 2012 04:54 AM PDT
ရန်နိုင်(မြစ်မခ)
ဇွန်(၁၅)ရက်၊၂၀၁၂ခုနှစ်။

ရခိုင်ပြည်နယ်စစ်တွေမြို့နှင့်အနီးတဝိုက်ကျေးရွာများတွင်နှစ်ရက်တိုင်လေပြင်းများတိုက်ခတ်ပြီးမိုးသည်းထန်စွာရွာသွန်းလျက်ရှိသောကြောင့်   ဒုက္ခသည်စခန်းများမှ ဒုက္ခသည်များအတွက် နေရာထိုင်ခင်းများသို့ မိုးရေများဝင်ရောက်ကာ အခက်အခဲများနှင့်ကြုံတွေ့နေရသည်

 “မိုးဆက်တိုက်ရွာနေတာ နှစ်ရက်ရှိပြီ။ မိုးတင်မဟုတ်ဘူး လေပါလာတော့ဒုက္ခသည်စခန်းတွေက လုံခြုံမှုမရှိကြတော့ လူတွေကို မိုးစိုကုန်တယ်။ ပြီးတော့အစားအသောက်အတွက်လည်း မလုံလောက်တော့ ဒုက္ခရောက်နေကြတယ်”ဟု ရခိုင်ပြည်နယ်
စစ်တွေဒေသခံတစ်ဦးက ပြောသည်။

သက်ဆိုင်ရာမှ ဒုက္ခသည်များထားရှိရာ ကယ်ဆယ်ရေးစခန်းများသို့စားနပ်ရိက္ခာများ သွားရောက်ပို့ရန်အတွက် စီစဉ်ထားသော်လည်း
မိုးသည်းထန်စွာရွာသွန်းမှုကြောင့် သွားလာရန် အခက်အခဲဖြစ်နေကြောင်းကိုလည်းသိရှိရသည်။

ထို့အပြင် စစ်တွေမြို့ရှိ အချို့သောဒုက္ခသည်စခန်းများသို့ အစားအသောက်နှင့်ထောက်ပံ့ပစ္စည်းများ မရောက်ရှိသေးကြောင်းနှင့် ဘုန်းကြီးကျောင်းများရှိဆရာတော်များနှင့် ရပ်ရွာတွင်းရှိ အလှုရှင်များကအကြမ်းဖက်မှုဖြစ်ပွားရာနေရာများမှ ရှောင်တိမ်း  လာကြသော ဒုက္ခသည်များအားစောင့်ရှောက်လျက်ရှိသည်။

“ဘုန်းကြီးတွေကပဲ ကျွေးနေကြတာ၊ ဒုက္ခသည်တွေကများတော့ နေရာထိုင်ခင်းကမလောက်ဘူးလေ။ မိုးရွာတော့ အမိုးအကာ အပြင်ဘက်ရောက်နေတဲ့ ဒုက္ခသည်တွေအကုန်မိုးရေတွေစိုပြီး ဒုက္ခရောက်ကုန် ကြတာပေါ့”ဟု စစ်တွေမြို့နယ်သံဃနာယအဖွဲ့ဝင်   ဆရာတော်တစ်ဦးက ပြောသည်။

တစ်ပတ်ကျော်ကြာသည်အထိ ရခိုင်ပြည်နယ်အတွင်းဖြစ်ပေါ်ခဲ့သောဆူပူအကြမ်းဖတ်မှုများကြောင့် လူဦးရေများစွာ အိုအိမ်မဲ့ဖြစ်ခဲ့ရပြီး
နိုင်ငံတော်အစိုးရနှင့် အခြား အဖွဲ့အစည်းများ အလှုရှင်များမှ ဒုက္ခသည်စခန်းများ   ဖွင့်လှစ်ထားရာနေရာများသို့ အစားအသောက်နှင့်
အခြားထောက်ပံ့မှုများ သွားရောက် ပြုလုပ်လျက်ရှိကြကြောင်း သိရသည်။

 ထို့ပြင် စစ်တွေမြို့နှင့် အနည်းငယ်အလှမ်းဝေးသောဂွိုင်လာသဲချောင်းကျေးရွာ၊ ခေါင်းတကာကျေးရွာ၊ သဲချောင်း အုန်းတောကျေးရွာ၊
အောင်မင်္ဂလာကျေးရွာနှင့် သက်ကယ်ပြင်ကျေးရွာတို့တွင် မွတ်စလင် ဒုက္ခသည်များရောက်ရှိနေကြောင်းနှင့် ၎င်းတို့အနေဖြင့် အထောက်အပံ့အကူအညီများလိုအပ်နေသည်ဟု ဒေသခံများကဆိုသည်။

“အခုချိန်အထိ ဘာအကူအညီ အထောက်အပံ့မှ မရသေးပါဘူးဗျာ။ကျွန်တော်တို့ဆီမှာလည်း ဒုက္ခသည် ငါးထောင်ကျော် ရှိနေတယ်။ သူတို့ကစစ်တွေမြို့တို့ ပြီးတော့ အခြားအဓိကရုဏ်းဖြစ်တဲ့ နေရာတွေကနေရောက်လာကြတာ”ဟု စစ်တွေမြို့နယ် ဂွိုင်လာတင်ကျေးရွာမှဘာသာရေးခေါင်းဆောင်တစ်ဦးဖြစ်သူ ဦးလှစိန်က ပြောသည်။

ရခိုင်ပြည်နယ်အစိုးရ၏ ထုတ်ပြန်ချက်မျာအရ ဇွန်လ (၈) ရက်နေ့မှ (၁၃)ရက်နေ့အထိရခိုင်လူမျိုးတို့ ၏နေအိမ် (၁၁၉၂)လုံး နှင့် မွတ်စလင် တို့၏အိမ်(၁၃၃၆)လုံး စုစုပေါင်း (၂၅၂၈) လုံး၊ ဗလီ (၇ ) လုံး၊ ဘုန်းကြီးကျောင်း (၉)ကျောင်း၊ စာသင်ကျောင်း (၁) ကျောင်းတို့ အား မီးရှို့ဖျက်ဆီးခံခဲ့ရကြောင်းသိရသည်။ ထို့ပြင် လူသေဆုံးမှု စာရင်းများအရ ရခိုင်လူမျိုး (၁၃)ဦးနှင့်မွတ်စလင်(၁၆)   ဦး သေဆုံးခဲ့ ပြီး၊ ရခိုင်လူမျိုး (၁၆) ဦးနှင့်မွတ်စလင် (၂၂) ဦး ထိခိုက်ဒဏ်ရာရရှိခဲ့ကြောင်း သိရသည်။
by Shwe Myitmakha Media Group
Posted: 15 Jun 2012 03:00 AM PDT

Burma VJ Media Network
အစိုးရအနေနဲ့ ရပ်တည်ဖို့ဆိုတာဟာ ဒီပြဿနာတွေဟာ အခုမှဖြစ်တာမဟုတ်ဘဲ ဟိုးအရင် နှစ်ပေါင်း ၆၀ လောက်ကတည်းက ဒီမိုကရေစီအစိုးရလက်ထက်တုန်းကလဲ ရှိခဲ့တာသလို ဦးနေဝင်းလက်ထက်တုန်းကလဲရှိခဲ့တာပါပဲ။ အခုပြဿနာဟာ နယ်စပ်ကနေခိုးဝင်လာတဲ့ပြမဟုတ်တော့ဘဲ အခြေတကျဝင်ပြီးတော၊့ နေရာစိုက်ထူပြီး ကိုယ့်အရပ်ကိုယ့်ရွာ ကိုယ့်တိုင်းပြည်လို တောင်းဆိုတာတွေ ရပ်တည်လာတာတွေဖြစ်လာတဲ့ အနေအထားဖြစ်ပါတယ်။ နောက်ဆုံးအဆင့်အနေနဲ့ သူတို့ကိုယ်သူတို့ မြန်မာလူမျိုးပါ မြန်မာတိုင်းရင်းသားဖြစ်တယ် အဲဒါကြောင့်သူတို့ကို အခွင့်အရေးတွေပေးရမယ်။ အဲဒီကနေတဆင့် ပြည်နယ်တောင်းတဲ့အဆင့် တပြည်လုံးမှာ ပြည်နယ်ခွဲထွက်တဲ့အဆင့်တွေတောင်ရောက်နိုင်တဲ့ အနေအထားတွေဖြစ်သွားနိုင်ပါတယ်။ အချို့လူတွေက ဒီပြဿနာကို အန်အယ်ဒီက ဖြေရှင်းပေးပါ၊ ဒေါ်အောင်ဆန်းစုကြည် လာရောက်ဖြေရှင်းဖို့ နိုင်ငံခြားခရီးစဉ်တွေမသွားဘဲ လာရောက်ဖြေရှင်းပေးဖို့ပြောနေကြပါတယ်။ ပထမဦးဆုံးအနေ နဲ့ အန်အယ်ဒီဆိုတာက အစိုးရမဟုတ်ဘူး ဒါကြောင့်လဲ စစ်တပ်၊ ရဲတပ်ဖွဲ့တွေကိုမခိုင်းနိုင်ဘူး ပြည်သူတွေကိုလဲ မသွားရမလာရဘူးလို့ အမိန့်မပေးနိုင်ပါဘူး။ ကျနော်တို့အနေနဲ့ လုပ်နိုင်တာက မေတ္တာရပ်ခံတာပဲရှိပါတယ်။ ဒေါ်အောင်ဆန်းစုကြည်ပြောတဲ့ စကားနဲ့ပက်သက်ပြီး ပြဿနာတတ်တယ်လို့ပြောနေကြတယ်။ လူနည်းစုတွေကို လူများစုတွေက ညှာတာဖို့လိုတယ်ဆိုတာက မွတ်စလင်ဘက်ကလိုက်ပြောခြင်းမဟုတ်ပါဘူး။ ပြဿနာဖြစ်တဲ့ပတ်ဝန်းကျင်ကိုကြည့်ပြီး ပြောချင်းသာဖြစ်တယ်လို့ အမျိုးသားဒီမိုကရေစီအဖွဲ့ချုပ် သဘာပတိအဖွဲ့ဝင် ဦးဝင်းတင်က အခုလိုရှင်းပြထားပါတယ်ခင်ဗျာ။
Burma VJ Media Network
Posted: 15 Jun 2012 02:50 AM PDT
နေမျိုး | သောကြာနေ့၊ ဇွန်လ ၁၅ ရက်
နယူးဒေလီ (မဇ္ဈိမ) ။       ။ မြန်မာ့နိုင်ငံရေးတွင် အမျိုးသမီးများ၏ အခန်းကဏ္ဍ မြှင့်တင်ရန် ရည်ရွှယ်၍ မြန်မာ အမျိုးသမီး လွှတ်တော် ကိုယ်စားလှယ် ၁၄ ဦး ဆွီဒင်နိုင်ငံ ပါလီမန်သို့ သွားရောက်လေ့လာခဲ့ကြောင်း သိရသည်။

ဇွန်လ ၆ ရက်နေ့မှ ၁၄ ရက်နေ့ထိ ၉ ရက်ကြာ လေ့လာရေးခရီးစဉ်ကို ဆွီဒင်နိုင်ငံခြားရေး ဝန်ကြီးဌာန၊ ဆွီဒင် နိုင်ငံတကာဖွံ့ဖြိုးမှု ပူးပေါင်းဆောင်ရွက်ရေး အေဂျင်စီ SIDA မှ စီစဉ်ခဲ့ခြင်း ဖြစ်သည်။

အဆိုပါ လေ့လာရေး ခရီးစဉ်တွင် ဆွီဒင်၏ နိုင်ငံရေးစနစ်နှင့် ဘဏ္ဍာရေးဆိုင်ရာ စည်းမျဉ်း စည်းကမ်းများနှင့် စနစ်များ၊ ဖွဲ့စည်းပုံအခြေခံဥပဒေ ပြန်လည်ပြင်ဆင်ခြင်းဆိုင်ရာ ဖြစ်စဉ်များနှင့် နိုင်ငံရေးပါတီများ၏ အခန်း ကဏ္ဍများအပြင် ဒီမိုကရေစီရေးရာနှင့် ကျား/မ ဖြစ်မှု Gender ကိစ္စရပ်များ လေ့လာခဲ့ကြကြောင်း သိရသည်။
image001
မြန်မာ့နိုင်ငံရေးတွင် အမျိုးသမီးများ၏ အခန်းကဏ္ဍ မြှင့်တင်ရန် ရည်ရွှယ်၍ မြန်မာ အမျိုးသမီး လွှတ်တော် ကိုယ်စားလှယ် ၁၄ ဦး ဆွီဒင်နိုင်ငံ ပါလီမန်သို့ သွားရောက် (Photo: SIDA)

ဆွီဒင် ပါလီမန်တွင် အာဏာရအစိုးရသည် အတိုက်အခံ အမျိုးသမီး အမတ်များနှင့် အမျိုးသမီးထုအပေါ်တွင် အလေးထား ပူးပေါင်းဆောင်ရွှက်မှု ရှိကြောင်း သိရသည်။

ယင်းအချက်သည် မြန်မာ့နိုင်ငံရေးတွင် အမျိုးသမီးများ တက်ကြွစွာ ပါဝင်လာနိုင်ရေးအတွက် နမူနာကောင်း
ဖြစ်ကြောင်း လွှတ်တော် ကိုယ်စားလှယ် တဦးလည်းဖြစ် အမျိုးသားဒီမိုကရေစီအဖွဲ့ချုပ် NLD ဗဟိုအမျိုးသမီး အဖွဲ့ ခေါင်းဆောင် ဒေါက်တာ ဒေါ်မေဝင်းမြင့် က ရှင်းပြသည်။

“ပါတီတခုကနေ တင်လိုက်တဲ့အထဲမှာ အမျိုးသမီးကိစ္စတွေ မပါဘူးဆိုရင် ဆွေးနွေးကြတဲ့အခါမှာ အမျိုးသမီး
တွေက ဘယ်အချက်မှာ ဘာတွေ ကွဲလွဲနေတယ်၊ ဘာတွေ လိုနေတယ်ဆိုတာ ချက်ချင်းထပြီး ဆွေးနွေးတယ်။ အာဏာရ အဖွဲ့ကလည်း ကြည်ကြည်ဖြူဖြူနဲ့ သူတို့ဟာကို လက်ခံပြီးဆွေးနွေးတာ တွေ့ရတယ်” ဟု မဇ္ဈိမကို
ပြောသည်။

လူဦးရေ ၉ သန်း ၃ သိန်းကျော်သာ ရှိသည့် ဆွီဒင်နိုင်ငံတွင် အမျိုးသမီးလွှတ်တော်အမတ် ၄၅ ရာခိုင်နှုန်း ခန့်ရှိပြီး အစိုးရအဖွဲ့တွင် အမျိုးသမီး၊ အမျိုးသား ပါဝင်မှု မျှတကြောင်း သိရသည်။

“ဖွဲ့စည်းထားတာလည်း အမျိုးသမီး များတဲ့အတွက် ဒီလွှတ်တော်ခန်းမမှာရှေ့မှာ ထိုင်နေတာက အမျိုးသမီး ၁ဝ ယောက်လောက် တွေ့ရတယ်။ လွှတ်တော်ခန်းမမှာ တာဝန်ယူထားတဲ့ ပုဂ္ဂိုလ်တွေထဲမှာ အမျိုးသမီးတဝက် ပါတာကို တွေ့ရတယ်။ ယောက်ျား/မိန်းမ မျှတတာကို တွေ့ရတယ်” ဟု ဒေါက်တာဒေါ်မေဝင်းမြင့် က ဆိုသည်။

ပြည်သူများ လွတ်လပ်ခွင့်ရှိပြီး အသက်ငယ်ရွယ်သူများ နိုင်ငံရေးတွင် စိတ်ပါဝင်စား လာစေရေးအတွက် ပါလီမန်တွင် လူငယ်များ လေ့လာနိုင်ပုံကို ဒေါ်မေဝင်းမြင့်က ဆက်ပြောပြသည်။

“ဒီပါလီမန်ထဲကို အန်တီတို့နဲ့အတူ သူတို့ဆီက ကျောင်းသားလေးတွေက လေ့လာလို့ ရတယ်။ Transparency ရှိတယ်ပေါ့။ အဲဒါလေးက အန်မတန်မှ စိတ်ဝင်စားဖို့ ကောင်းတာ။ ပြည်သူတွေကို လွတ်လွတ်လပ်လပ်
လေ့လာခွင့် ပေးထားတယ်။ သူတို့ဆီက လူငယ်တွေကို အသက်ငယ်ငယ်ကတည်းက စပြီးတော့ ဒီနိုင်ငံရေးမှာ၊ ပြည်သူ့အရေးမှာ ပိုပြီး စိတ်ဝင်စားအောင် train လုပ်ထားတာကို တွေ့ရတယ်” ဟု ဆိုသည်။

ဆွီဒင်ပါလီမန် အဆောက်အဦးရှေ့တွင် ပြည်သူများ လွတ်လပ်စွာ သွားလာနိုင်ပြီး နေပြည်တော် လွှတ်တော်
နှင့် ကွာခြားပုံကိုလည်း “အထူးသဖြင့် အန်တီတို့ ကျမ်းကျိန်တဲ့ နေ့တုန်းက နေပြည်တော်မှာရှိတဲ့ အန်တီတို့ အဖွဲ့ဝင်တွေက အန်တီတို့ကိုလာပြီး ကြိုဆိုနှုတ်ဆက်နေတာ၊ သူတို့က ဟိုးအဝေးကနေပဲ အန်တီတို့ကို လက်ပြရတာ။ နေပြည်တော်က ပါလီမန်ကို တခြားအပြင်လူတွေက သိပ်ပြီးကပ်လို့မရဘူး” ဟု နှိုင်းယှဉ်
ပြောဆိုသွားသည်။

အဆိုပါ လေ့လာရေးခရီးစဉ်တွင် NLD မှ ငါးဦး၊ ချင်းအမျိုးသားပါတီမှ တဦး၊ ကြံ့ခိုင်ရေးပါတီမှ ငါးဦး၊ အမျိုးသားဒီမိုကရေစီအင်အားစုမှ နှစ်ဦး၊ ဖလုံစဝေါ် ဒီမိုကရက်တစ်ပါတီမှ တဦး ပါဝင်ကြောင်း သိရသည်။
Posted: 15 Jun 2012 02:41 AM PDT
http://crowneducation.nazuka.net/?p=4069
Hospitality and Tourism degrees အဆင့်တွင် UK ၏ နံပါတ် (၁) သတ်မှတ်ခံရသော University of Surrey မှ ပညာသင်ထောက်ပံ့ကြေးအဖြစ် ပေါင် ၂၅၀၀ ပေးအပ်သွားမည်ဖြစ်ကြောင်း၊ အဆိုပါ ပညာသင်ထောက်ပံ့ကြေးမှာ  University of Surrey ၏ Foundation နှင့် ညီမျှသော International Study Center တွင်တက်ရောက်မည့် ကျောင်းသူကျောင်းသားများကို ပေးအပ်သွားမည်ဖြစ်ကြောင်းသိရသည်၊၊ စစ်တမ်းကောက်ယူမှုများအရ University of Surrey တွင်ကျောင်းပြီးသောကျောင်းသားကျောင်းသူများမှာ (၆)လအတွင်း အလုပ်အကိုင်ရရှိမှုနှုန်း ၉၄.၈% ရှိကြောင်း  Higher Education University Guide 2012 တွင်ဖေါ်ပြပါရှိသည်၊၊ ဗြိတိန်နိုင်ငံရှိတက္ကသိုလ်များအားပေးအပ်လေ့ရှိသော ဂုဏ်သရေအရှိဆုံးဆုတစ်ခုဖြစ်သည့် Queen’s Anniversary Prize အား University of Surrey ၏ marine researcher များက ၂၀၁၁ ခုနှစ်တွင် ထပ်မံရရှိခဲ့သည်။ ရေကောင်းရေသန့်ရရှိရေးစနစ်၊ ရေဆိုးရေညစ်သန့်စင်ရေးစနစ်နှင့် အခြားအရေး ပါသောနယ်ပယ်များတွင် University of Surrey ၏ သုတေသနလုပ်ငန်းများသည် ပထမတန်းစားအဖြစ် အသိအမှတ်ပြုခံရသောကြောင့် အဆိုပါဆု ကိုချီးမြှင့်ခဲ့ခြင်း ဖြစ်သည်။  University of Surrey သည် Guildford မြို့လယ် ခေါင်မှ ၁၅မိနစ်ခန့် ခြေလျင်အကွာအဝေးတွင်ရှိပြီး၊ London မှ မိနစ် ၄၀ ခန့် ရထားဖြင့်ခရီးသွား အကွာအဝေးတွင် တည်ရှိပါသည်။

University of Surrey တွင် Business, Economics, Law and Politics International Foundation Year ၊ Engineering, Science and Mathematics International Foundation Year နှင့် Economics Pre-Masters ဘာသာရပ်များကိုလေ့လာသင်ယူနိုင်ပြီး၊ တက္ကသိုလ်သို့ ဝင်ခွင့် တိုက်ရိုက်လျှောက်ထားပါက ၀င်ခွင့်ရရှိရန် ခက်ခဲလေ့ရှိကာ University of Surrey Campus တွင်နိုင်ငံတကာကျောင်းသားများအတွက် အထူးရည်ရွယ်ဖွင့်လှစ် ထားသော International Study Centre မှတဆင့်တက်ရောက်ပါက ၀င်ခွင့်ပိုမိုလွယ်ကူနိုင်ပါသည်၊၊

(၁၀)တန်းအောင်မြင်ပြီးသူများ International Foundation Year  မှစတင်တက်ရောက်နိုင်ပြီး၊ Terms (၃)ခု လေ့လာသင်ယူရ မည်ဖြစ်ကာ၊ Study Skills, Academic subjects, Project Study, English Language Training အပါအ၀င် သက်ဆိုင်ရာအထူးပြုဘာသာရပ်များကို သင်ယူ ရမည်ဖြစ်သည်၊၊ Business, Economics, Law and Politics International Foundation Year ၏ ပညာသင်စရိတ်(၁)နှစ်စာမှာ £11,985 ကုန်ကျမည်ဖြစ်ပြီး၊ Engineering Science and Mathematics International Foundation Year မှာ £12,600 ကုန်ကျမည်ဖြစ်သည်။

မြန်မာနိုင်ငံမှ တက္ကသိုလ်ဝင်တန်းအောင်မြင်ပြီးသော ကျောင်းသား၊ ကျောင်းသူများအနေဖြင့် IELTS (သို့မဟုတ်) TOEFL မှ လွဲ၍ တခြားမည်သည့် စာမေးပွဲမှ   ဖြေစရာမလိုဘဲ CROWN Education ၏ Partner အဖွဲ့အစည်းဖြစ်သော Study Group မှ တစ်ဆင့် International Foundation Year သို့ တိုက်ရိုက် တက်ရောက်ခွင့်ရရှိနိုင်ပါသည်။ Pre-Masters in Economics အတွက် ပညာသင်စရိတ်မှာ £12,750 ကုန်ကျမည်ဖြစ်သည်။ Intake များကို စက်တင်ဘာလနှင့် ဇန်န၀ါရီလများတွင် ခေါ်ယူလေ့ရှိသည်။ ကျောင်းသားကျောင်းသူများအနေဖြင့် Foundation Year တက်ရောက်ပြီးနောက်၊ တက္ကသိုလ်ဒုတိယနှစ်အောင်မြင်ပြီးချိန်တွင် UK ၏ နာမည်ကျော်လုပ်ငန်းစုကြီးများဖြစ်ကြသည့် Motorola Solutions၊ Four Seasons Hotel Hampshire စသည်တို့နှင့် ချိတ်ဆက်လျက် အလုပ်သင်အဖြစ်လုပ်ကိုင်နိုင်သည့်အတွက် ကျောင်းပြီးအလုပ်အကိုင်အခွင့်အလမ်းများတွင် အထောက်အပံ့ကောင်းပေးနိုင်ပါသည်။

 Foundation Year ပြီးမြောက်ပါက တက်ရောက်နိုင်သော Degree များ -

 • BSc Accounting and Financial Management

• BSc Applied Psychology and Sociology

• BSc Business and Retail Management

• BSc Business Economics

• BSc Business Economics with Finance

• BSc Business Management

• BSc Business Management and English for International Communications

• Bsc Criminology and Sociology

• BSc Economics

• BA Film Studies with Creative Writing

• BA Film Studies

• BSc International Hospitality & Tourism Management

• BSc International Hospitality Management

• BA International Politics

• BA International Politics and Englishfor International Communication

• LLB Law

• LLB Law with Criminology

• LLB Law with International Studies

• BSc Media Studies

• BA Politics with Policy Studies

• BSc Psychology

• BSc Sociology

• BSc Sociology Culture and Media

• BA Theatre Studies

• BSc Tourism Management

• BEng or MEng Aerospace Engineering

• BEng or MEng Audio Media Engineering

• BSc Biochemistry (Medical)

• BSc Biochemistry (Neuroscience)

• BSc Biochemistry (Pharmacology)

• BSc Biochemistry (Toxicology)

• BSc Biochemistry

• BSc Biotechnology

• BEng or MEng Chemical and Bio-Systems Engineering

• BEng or MEng Chemical Engineering

• BSc or MChem Chemistry

• MChem Chemistry with Forensic Investigation

• BEng or MEng Civil Engineering

• BSc Computer Science

• BSc Computer Science & Engineering

• BSc Computing & Information Technology

• BEng Digital Media Engineering

• MEng Digital Media Engineering

• BEng Electronic Engineering

• MEng Electronic Engineering

• BEng Electronics & Computer Engineering

• MEng Electronics & Computer Engineering

• MEng Electronics with Satellite Engineering

• BSc Financial Mathematics

• BSc Food Science and Microbiology

• BSc Mathematics

• MMath Mathematics

• BSc Mathematics and Computing Science

• BSc Mathematics with Business Studies

• BSc Mathematics with Management

• BSc Mathematics with Statistics

• BEng Mechanical Engineering

• MEng Mechanical Engineering

• BEng or MEng Medical Engineering

• MChem Medicinal Chemistry

• BSc Microbial Genetics

• BSc Microbiology (Medical)

• BSc Microbiology

• BSc Nutrition and Food Science

• MPhys or BSc Physics

• MPhys or BSc Physics with Finance

• BSc Physics with Nuclear Astrophysics

• MPhys Physics with Nuclear Astrophysics

• MPhys or BSc Physics with Satellite Technology

• MEng or BSc Space Technology & Planetary Exploration

• Telecommunications Systems

နိုင်ငံတကာအသိအမှတ်ပြု ဒီပလိုမာများဖြစ်သည့် IDCS (သို့မဟုတ်) အခြားဒီပလိုမာများ ရရှိထား သူများအနေဖြင့် Foundation Year ကို တက်ရောက်ရန် မလိုဘဲ တက္ကသိုလ်ပထမနှစ်ကို Direct entry လျှောက်ထားနိုင်ပါသည်။ ISC တွင် တက်ရောက်ရမည့် Pre-Masters in Economics ပရိုဂရမ်အောင်မြင်ပြီးပါက Master Degree ပရိုဂရမ်များဖြစ်သည့် MSc Economics၊ MSc Energy Economics and Policy၊ MSc International Economics၊ Finance and Development နှင့် MSc Business Economics and Finance တို့ကို University of Surrey တွင် ဆက်လက်တက်ရောက်နိုင်ပါသည်။

Foundation Year ၀င်ခွင့်ဆိုင်ရာ လိုအပ်ချက်များအနေဖြင့် မြန်မာနိုင်ငံမှ (၁၀)တန်းအောင်မြင်ပြီး၊ သို့မဟုတ် GCE ‘O’ အဆင့် ပြီးဆုံးထားသူများနှင့် IELTS 5 (သို့မဟုတ်) TOEFL 510 ရရှိထားသူများ လျှောက်ထားနိုင်ပါသည်။ Pre-Masters Program များအတွက် ဒီဂရီတစ်ခုနှင့် IELTS 6.0 ရရှိထားသူများ   လျှောက်ထားနိုင်ပါသည်၊၊ http://www.surrey.ac.uk သည် University of Surrey ၏ တရားဝင်လွှင်ပတင်ထားသည့် ၀က်ဘ်ဆိုက်ဖြစ်သည်။ ၄င်း ၀က်ဘ်ဆိုက်တွင် University of Surrey အကြောင်း၊ University of Surrey တွင် တက်ရောက်သင်ကြားနိုင်သည့်ဘာသာရပ်များအကြောင်းနှင့် သတင်းများကို ဖော်ပြထားရှိပါသည်။ ကျောင်းသားကျောင်းသူများအတွက် ကျောင်းလခများဖော်ပြထားရှိသည့်အပြင် တခြားမိမိလေ့လာစရာများကိုလည်း ကဏ္ဍအလိုက်ဖော်ပြထားရှိသည်။ ပညာသင်ဆုလျှောက်ထားရန် အသေးစိတ်အချက်အလက်များကို CROWN Education, Summit Parkview Hotel, အခန်း (၂၂၈/၂၂၉) ဖုန်း – ၀၉ ၅၀၈၅ ၁၈၅ နှင့် ၀၉ ၇၃၂ ၇၃၂ ၇၇ တွင်ဆက်သွယ်စုံစမ်းနိုင်ပါသည်၊၊
Posted: 15 Jun 2012 02:36 AM PDT
Hot News Weekly Journal
ယခုအပါတ်ထုတ် Hot News Weekly Journal
Posted: 15 Jun 2012 02:22 AM PDT
Myanmar Positive Group (National PLHIV Network) အခြေစိုက်ရုံးမှ ရခိုင်ပြည်နယ်အတွင်းရှိ ART ကုထုံးဖြင့် ဆေးကုသမှုခံယူနေသူများနှင့်ပတ်သက်ပြီး သဘောထားကြေညာချက်ထုတ်ပြန်

ဇွန် ၁၅၊ ရန်ကုန်၊ သန်းထွန်း(MPG)

    ရခိုင်ပြည်နယ်အတွင်း ဖြစ်ပေါ်နေသော မတည်ငြိမ်မှုများကြောင့် MSF(Holland) (နယ်စည်းမထား ဆရာဝန်များအဖွဲ့- ဟော်လန်)မှ ၄င်းဒေသတွင်း ဖွင့်လှစ်ထားသည့် သဇင်ဆေးခန်းများအား ယာယီပိတ်သိမ်းထားကြောင်း ကြေညာချက်ထုတ်ပြန် ခဲ့ခြင်းနှင့် ပတ်သက်၍ မြန်မာနိုင်ငံလုံးဆိုင်ရာ HIV ပိုးဖြင့် အသက်ရှင်နေထိုင်သူများကွန်ရက်ဖြစ်သည့် Myanmar Positive Group (National PLHIV Network) (MPG) မှ ဇွန်လ (၁၄) ရက်နေ့ ရက်စွဲဖြင့် သဘောထားကြေညာချက်တစ်စောင် ထုတ်ပြန်ခဲ့ကြောင်း၊ အဆိုပါကြေညာချက်တွင် ရခိုင်ပြည်နယ်အတွင်းဖြစ်ပေါ်နေသည့် မတည်ငြိမ်မှုများကြောင့် ရခိုင်ပြည်နယ် အတွင်းရှိ MSF (Holland) ၏ သဇင်ဆေးခန်းများကို ယာယီပိတ်သိမ်းထားသည့်အတွက် ၄င်းဒေသအတွင်းရှိ ARV ဆေးဝါးများ ဖြင့် ကုသမှုခံယူနေသူများအတွက် စိုးရိမ်မိကြောင်း၊ ထို့အပြင် နောက်ဆက်တွဲဖြစ်ပေါ်လာနိုင်သည့် ဆေးဝါးပြတ်လပ်မှု၊ ဆေးယဉ်ပါးမှုပြဿနာများအတွက်လည်း စိုးရိမ်မိကြောင်း၊ MPG အနေဖြင့် ရခိုင်ပြည်နယ်ရှိ Utopia (Phoenix-Sittwe) အဖွဲ့နှင့် ပူးပေါင်းကာ ဆေးဝါးများထောက်ပံ့ပေးနိုင်ရေးအတွက် စီစဉ်ဆောင်ရွက်နိုင်ခဲ့ပြီဖြစ်ကြောင်းနှင့် အဆိုပါလုပ်ငန်းစဉ်များ အဆင်ပြေချောမွေ့စေရေးတို့အတွက် ၀ိုင်းဝန်းကူညီပံ့ပိုးကြပါရန် ပန်ကြားအပ်ပါကြောင်း စသည်ဖြင့် ပါရှိကြောင်း သိရှိရသည်။

မူရင်း ထုတ်ပြန်ချက်ပူးတွဲ
MPG Emergency Statement for Rakhine_June_2012
ရခိုင်ပြည်နယ်အတွင်းရှိ ARV ဆေးဝါးဖြင့် ကုသမှုခံယူနေသူများအတွက် ဆေးဝါးပြတ်လပ်မှု မရှိစေရေး အတွက် စစ်တွေမြို့ရှိ Utopia (Phoenix- Sittwe) အဖွဲ့နှင့် ဆက်သွယ်ဆောင်ရွက်နိုင်

ဇွန် ၁၅၊ ရန်ကုန်၊ သန်းထွန်း (MPG)

    ရခိုင်ပြည်နယ်အတွင်းရှိ ART ကုထုံးဖြင့် ဆေးကုသမှုခံယူနေသော လူနာများအနေဖြင့် ART ဆေးပြတ်လပ်မှုနှင့် ဆေးယဉ်ပါးမှုကြောင့် နောက်ဆက်တွဲပြဿနာများ မဖြစ်ပေါ်စေရေးတို့အတွက် စစ်တွေမြို့ရှိ Utopia (Phoenix-Sittwe) အဖွဲ့ သည် ရန်ကုန်မြို့ရှိ Myanmar Positive Group (National PLHIV Network) (MPG) နှင့် ပူးပေါင်းကာ ဆောင်ရွက်လျက် ရှိပါသည်။ ရခိုင်ပြည်နယ်အတွင်းရှိ ART ကုထုံးဖြင့် ဆေးကုသမှုခံယူနေသူများအနေဖြင့် ဆေးဝါးမပြတ်လပ်စေရေးအတွက် စစ်တွေမြို့ရှိ Utopia (Phoenix-  Sittwe) အဖွဲ့မှ အောက်အမည်ပါပုဂ္ဂိုလ်များထံသို့ လာရောက်ဆက်သွယ်နိုင်ပါကြောင်း သိရှိရသည်။

(က) ကိုသန်းထွန်း      အဖွဲ့ခေါင်းဆောင်နှင့် MPG ၏ ရခိုင်ဒေသကိုယ်စားလှယ်        ၀၉၇၃၀၈၇၀၁၅
(ခ)  ကိုဦးဘဆွေ        ဘဏ္ဍာရေးမှူး                        ၀၉၄၅၀၅၃၉၆၄၃
(ဂ)  ကိုလှအောင်ကျော်    အတွင်းရေးမှူး                ၀၉၈၅၀၀၈၃၈(တစ်ဆင့်)
(ဃ) ကိုကျော်စိန်        အဖွဲ့ဝင်                            ၀၉၄၂၁၇၁၀၀၇၆

Posted: 15 Jun 2012 02:04 AM PDT
ဆူပူအကြမ်းဖက်မှုများ ဖြစ်ပွားနေသော ရခိုင်ပြည်နယ် စစ်တွေမြို့ရှိ ကယ်ဆယ်ရေးစခန်းများသို့ ရောက်ရှိနေသော ဒုက္ခသည်များကို စီးပွားရေး လုပ်ငန်းရှင်များနှင့် စာပေအနုပညာရှင်များက ထောက်ပံ့ရေး ပစ္စည်းများ ပေးအပ်နေသည်ကို ဇွန်လ ၁၃ ရက်နေ့က တွေ့မြင်ရစဉ်။

ရခိုင်ပြည်နယ်တွင် ဒေသတွင်းဆူပူအကြမ်းဖက်မှု၊ မီးရှို့ဖျက်ဆီးမှုများကြောင့် ထွက်ပြေး တိမ်းရှောင်နေရသည့်ရခိုင် ဒုက္ခသည် စခန်းများတွင် ၀မ်းရောဂါ ဖြစ်ပွားသူ ကလေးငယ် တစ်ရာကျော်ခန့် ရှိနေပြီိဖြစ်ကြောင်း ရခိုင်တိုင်းရင်းသားများ တိုးတက်ရေးပါတီမှ အထွေထွေအတွင်းရေးမှူး ဦးဦးလှစောက ယနေ့မွန်းလွဲ ၂နာရီခန့်က The Voice Weekly သို့ပြောကြားသည်။
The Voice Weekly
Posted: 15 Jun 2012 01:59 AM PDT
Phot ; Mizzima
လွှတ်တော်အစည်းအဝေးများ ကို လာမည့်ဇူလိုင် ၄ ရက်နေ့တွင် ပြန်လည်ကျင်းပရန် ခေါ်ယူလိုက် သည်။ ပထမအကြိမ် ပြည်ထောင် စုလွှတ်တော်၏ စတုတ္ထပုံမှန် အစည်းအဝေးကို ဇူလိုင် ၄ ရက် နေ့ နေ့လယ် ၁ နာရီ ခေါ်ယူ ထားပြီး ပြည်သူ့လွှတ်တော်နှင့် အမျိုးသားလွှတ်တော်အစည်းအဝေး များကို မနက် ၁၀ နာရီ အသီးသီး ကျင်းပမည့်အကြောင်း လွှတ် တော်အကြီးအကဲတွေက ဇွန် ၁၂ ရက်နေ့ ရက်စွဲနှင့် ထုတ်ပြန်ကြေ ညာလိုက်သည်။
ပြည်သူ့လွှတ်တော်နှင့် အမျိုးသားလွှတ်တော် ကိုယ်စား လှယ်များအနေနှင့် လိုအပ်သော ပြင်ဆင်မှုများကို ပြုလုပ်နိုင်ရန် ဇူလိုင်လ ၂ ရက်ထက် မစော၊ ၃ ရက်နေ့ထက် နောက်မကျဘဲ နေပြည်တော် လွှတ်တော်ရုံးကို ဆက်သွယ်ကြရန်ကိုလည်း အသိ ပေးထားသည်။ ယခုကျင်းပမည့် လွှတ်တော်အစည်းအဝေးမှာ လက်ရှိတိုင်းပြည်၏ ဖြစ်ပေါ် နေသော ကိစ္စများနှင့် ပတ်သက်၍ ဆွေးနွေးမည်ဖြစ်ကြောင်း သိရပါ သည်။
ပြည်သူ့လွှတ်တော် စီးပွား ရေးနှင့် ကုန်သွယ်မှုလုပ်ငန်း ဖွံ့ဖြိုး တိုးတက်ရေး ကော်မတီ အတွင်း ရေးမှူး ဦးခင်မောင်ဦးမှ ““ပညာ ရေးနှင့် ပတ်သက်ပြီး တိုးတက် အောင်ပေါ့။ ဒါတွေ စီစဉ်ထား တယ်။ နောက်တစ်ခုက စွမ်းအင်၊ လျှပ်စစ်ကိစ္စတွေပေါ့။ ဒါတွေက လည်း တကယ်အာမခံနိုင်တဲ့ အဆင့်အတန်းရှိမှ။ နောက်တစ်ခု ကလည်း အလုပ်သမားကိစ္စပေါ့။ အားလုံးလည်း ဒါစိတ်ဝင်စားစရာ ဖြစ်တဲ့အတွက် လုပ်ကြပါလိမ့် မယ်။ အဲ့ဒီအချက်တွေကလည်း သိုင်းဝိုင်းပြီး လုပ်ကြရမှာပါပဲ။ ဗဟိုမှာ ပေါင်းပြီးတော့ ကော်မတီ အနေနဲ့ ဆွေးနွေးမှာပါ။ ပါတီမှာ လည်း ဆွေးနွေးမှာပါ။ ပါတီမှာ လည်း ရှိပြီးသားပါ””ဟု ဆိုသည်။
သင်္ကန်းကျွန်းမြို့နယ်မှ ပြည်သူ့လွှတ်တော်ကိုယ်စားလှယ် ဦးသိန်းညွှန့်က ““အခုပေါ်ပေါက် နေတဲ့ အခြေအနေတချို့နဲ့ ဆက် စပ်တဲ့ မေးခွန်းတွေ အဆိုတွေ တချို့တော့ ကျွန်တော်လည်း ပေးပို့ထားပါတယ်။ အသေးစိတ် တော့ လွှတ်တော်ဥပဒေအရ ကျွန်တော်အခုချိန်မှာ ဖော်ပြခွင့် မရှိဘူး။ ကျွန်တော်ပြောလို့ရတဲ့ အချက်ကတော့ ကျွန်တော်လည်း လွှတ်တော်အစည်းအဝေးက တစ်ကြိမ်ပြီးတစ်ကြိမ်၊ နောက် လွှတ်တော်ရဲ့ ခိုင်မာမှုပေါ့၊ အား ကောင်းမှုပေါ့။ လွှတ်တော်နိုင်ငံရေး ရဲ့ မြင့်မားလာမှုတွေကတော့ တစ် ကြိမ်ပြီးတစ်ကြိမ် တိုးတက်လာ တယ်။ အားရစရာ ကောင်းတယ် လို့ ကျွန်တော်ပြောပါရစေ””ဟု ဆို ပါသည်။
ယင်းလွှတ်တော်အစည်းအဝေး မှာပဲ ကြားဖြတ်ရွေးကောက်ပွဲမှ ရွေးချယ်တင်မြှောက်ခံခဲ့ရသော အမျိုးသားဒီမိုကရေစီ အဖွဲ့ချုပ် မှ ဒေါ်အောင်ဆန်းစုကြည် ဦးဆောင်သော လွှတ်တော်ကိုယ်စား လှယ်တွေ အားလုံးလည်း လွှတ် တော်အစည်းအဝေးတက်ရောက်ဖို့ ရှိနေတယ်ဟု အန်အယ်လ်ဒီရဲ့ ပြောရေးဆိုခွင့်ရှိသူ ဦးဉာဏ်ဝင်း က ပြောပါသည်။
ပြီးခဲ့သော လွှတ်တော် အစည်းအဝေးတုန်းက ကျမ်းသစ္စာ ကျိန်ဆိုဖို့ ကျန်နေသေးတဲ့ ကိုယ်စားလှယ်တွေလည်း ကျိန်ဆို ကြမယ်လို့ လှည်းကူးမြို့နယ် ပြည်သူ့ လွှတ်တော်ကိုယ်စား လှယ် ဦးဖြိုးမင်းသိန်းက ဆိုပါ သည်။
““၄ ရက်နေ့ လွှတ်တော်က ၂ ရက်နေ့ သတင်းပို့ရမယ်။ ၄ ရက်နေ့ကို လွှတ်တော်တက်ရမယ်ဆို ပြီး ထုတ်ပြန်တယ်လို့ ပြောပါ တယ်။ လွှတ်တော်တက်မှာပါ။ ပထမဆုံးအကြိမ် လွှတ်တော် တက်မှာဖြစ်တယ်။ ကျမ်းသစ္စာ ကျိန်ဆိုဖို့လည်း အခုမှ လုပ်မှာ ဖြစ်ပါတယ်။ ဒီတစ်ကြိမ်မှသာ လွှတ်တော်ရဲ့ အခြေအနေတွေ၊ လွှတ်တော်မှာ ဆောင်ရွက်နေတဲ့ လုပ်ထုံးလုပ်နည်းတွေကို သေသေ ချာချာ လေ့လာပြီးမှ ဘာတွေ တင်ပြမယ်။ ဘာတွေဆောင်ရွက် မယ်ဆိုတာကို ပြင်ဆင်မှာပါ””ဟု ပြောပြခဲ့သည်။

 ဥယျာဉ်မှူး-Hot News Weekly
Posted: 15 Jun 2012 01:53 AM PDT
"ဘဏ်တွေမှာတော့ ငွေသွင်းငွေထုတ်က ပုံမှန်ပဲ။ ကျပ်တစ်သောင်းတန်ကလည်း ဒီနေ့စထုတ်တာ လူသိအောင်လို့ ဘဏ်တွေကို နည်းနည်းပါးပါးပဲ ပေးထားတယ်။ ဗဟိုဘဏ်က အများကြီးထုတ်မပေးသေးဘူး"ဟု ကျပ်တစ်သောင်းတန် ငွေစက္ကူ စတင်ထုတ်ဝေမှုနှင့်ပတ်သက်ပြီး အခြေအနေကို CB ဘဏ်မှ မန်နေးဂျင်းဒါရိုက်တာက ပြောသည်။

7Day News Journal
Posted: 15 Jun 2012 01:51 AM PDT
နယ်စပ်ဒေသလမ်းကြောင်း များမှတစ်ဆင့် တရားမ၀င်ကုန် သွယ်နေမှုများကို ထိရောက်စွာ အရေးယူဆောင်ရွက်သွားမည်ဖြစ် ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန တာဝန်ရှိသူတစ်ဦးက ပြောသည်။
တရားမ၀င်ကုန်သွယ်မှု လျော့နည်းကျဆင်းရေးနှင့် စားသုံးသူအကာအကွယ်ပေးရေး တို့ကို ဆောင်ရွက်သည့်နေရာတွင် အသိပေးခြင်း၊ စည်းရုံးခြင်း၊ ပညာ ပေးခြင်း၊ အရေးယူခြင်းတို့ကို တစ်ဆင့်ပြီးတစ်ဆင့် ထိထိရောက် ရောက်ဆောင်ရွက်မည်ဟု သိရ သည်။
““တရားဝင်ကုန်သွယ်မှု လမ်း ကြောင်းပေါ် ရောက်ဖို့ဆောင်ရွက် နေကြပေမယ့် လက်တွေ့မှာ တရားမ၀င်ကုန်သွယ်မှုများ ပိုမို များပြားနေတာကို တွေ့နေရပါ တယ်””ဟု အထက်ပါဝန်ကြီးဌာန မှ တာဝန်ရှိသူကပြောသည်။
တရားမ၀င်ကုန်စည်များ ၀င်ရောက်လာမှုသည် စားသုံးသူ များအား အဘက်ဘက်မှ လုံခြုံမှု ရှိအောင် စားသုံးသူအကာအကွယ် ပေးရေးသည် အရေးပါသော စိန်ခေါ်မှု တစ်ရပ်ဖြစ်လာသည်။ ပုဂ္ဂလိကလုပ်ငန်းရှင်များကလည်း ကုန်စည်များ တရားမ၀င် ၀င် ရောက်နေခြင်းကို ပပျောက်အောင် ဆောင်ရွက်သင့်ပြီး စားသုံးသူများ ဘက်သို့ အကာအကွယ်ပေးရေး များ ဆောင်ရွက်သင့်ကြောင်း သိရသည်။
လက်ရှိတွင် မြန်မာနိုင်ငံ၌ စားသုံးသူအကာအကွယ်ပေးရေး လုပ်ငန်းများကို ဆောင်ရွက်နေပြီ ဖြစ်ကြောင်း သိရသည်။

 မေဇင်ကို - Hot News Weekly
Posted: 14 Jun 2012 06:12 PM PDT

DVB News Mirror and Rhythm
ဆွစ် မြို့တော်မှာ ဒေါ်အောင်ဆန်းစုကြည်နဲ့ Swiss President Eveline Widmer-Schlump တွေ့ဆုံ (ရုပ်/သံ)
ရိုက်တာ
Posted: 14 Jun 2012 06:15 PM PDT

DVB News Mirror and Rhythm
အိပ်ရေးပျက် ပင်ပမ်းခေါင်းမူးလို့ ဒေါ်အောင်ဆန်းစုကြည်သတင်းစာရှင်းလင်းပွဲ ရပ်လိုက်ရပါတယ်... "It's been a very exhausting journey,... (ရိုက်တာ)
Posted: 14 Jun 2012 06:17 PM PDT


၁၄ ဇွန် ၂၀၁၂။ ဂျနီဗာ အိုင်အယ်အို ညီလာခံမှာ ပြောကြားသော ဒေါ်အောင်ဆန်းစုကြည် မိန့်ခွန်း (ရုပ်/သံ) ဒီဗွီဘီ

Posted: 14 Jun 2012 05:40 PM PDT
မဇ္ဈိမသတင်းဌာန ။          ။ အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ကမ္ဘာ့ အလုပ်သမား အဖွဲ့ချုပ် ILO ညီလာခံတွင် ဇွန်လ ၁၄ ရက်နေ့က နာရီဝက်ခန့်ကြာ မိန့်ခွန်းပြောဆိုပြီး သတင်းစာ ရှင်းလင်းပွဲတခု လည်း ပြုလုပ်ခဲ့သည်။

မိန့်ခွန်းတွင် မြန်မာနိုင်ငံမှာ အာဏာရှင်စနစ်မှ အသွင်ပြောင်း အရေခွံလဲလာသည့် နိုင်ငံများနှင့် ဆင်တူကြောင်း
ဒေါ်အောင်ဆန်းစုကြည် က ပြောလိုက်သည်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ကမ္ဘာ့ အလုပ်သမား အဖွဲ့ချုပ် ILO ညီလာခံတွင် နာရီဝက်ခန့်ကြာ မိန့်ခွန်းပြောဆိုပြီး သတင်းစာ ရှင်းလင်းပွဲတွင် တွေ့ရစဉ် (Photo: ILO)

၁၉၈၈ ခုနှစ်တွင် မြန်မာနိုင်ငံသို့ ပြန်လည်အခြေချခဲ့သည့် ဒေါ်အောင်ဆန်းစုကြည်၏ ပထမဆုံး ဥရောပခရီးစဉ်ကို ဇွန်လ ၁၃ ရက်နေ့က စတင်ခဲ့ပြီး ဆွတ်ဇာလန်နိုင်ငံ ဂျီနီဗာမြို့တွင် ပြုလုပ်သည့် ILO ညီလာခံတွင် တက်ရောက် မိန့်ခွန်းပြောဆိုခဲ့ခြင်း ဖြစ်သည်။

မြန်မာနိုင်ငံတွင် ရွေးကောက်ခံတပိုင်း အစိုးရ အုပ်ချုပ်မှုအောက်တွင် ရှိနေပြီး တောင်အမေရိက နိုင်ငံများနှင့် အလား သဏ္ဍာန်တူကြောင်း ILO ညီလာခံသို့ တက်ရောက်လာကြသည့် နိုင်ငံတကာ ပရိသတ်ကြီးအား NLD ဥက္ကဋ္ဌက မိန့်ခွန်းတွင် ထည့်သွင်းပြောဆိုသွားသည်။

ဒေါ်အောင်ဆန်းစုကြည်အနေဖြင့် ပြည်သူ့လွှတ်တော် ကိုယ်စားလှယ်တယောက် ဖြစ်နေသော်လည်း ယခုမိန့်ခွန်းမှာ မြန်မာအစိုးရကိုယ်စား မဟုတ်ကြောင်း ပြောဆိုလိုက်ရာ ညီလာခံခန်းမရှိ ပရိသတ်ကြီးမှာ ရယ်သံများ၊ သြဘာသံများ သောသောညံသွားခဲ့သည်။

နာရီဝက်ခန့်ကြာ မိန့်ခွန်းပြောဆိုပြီးနောက် ခေတ္တနားပြီး သတင်းစာရှင်းလင်းပွဲတခုလည်း NLD ဥက္ကဋ္ဌက ပြုလုပ်ခဲ့သေး သည်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ကမ္ဘာ့ အလုပ်သမား အဖွဲ့ချုပ် ILO ညီလာခံတွင် မိန့်ခွန်းပြောဆိုနေစဉ် (Photo: ILO)

ထိုသတင်းစာရှင်းလင်းပွဲတွင် လူအများ စိတ်ဝင်တစား ရှိနေကြသည့် မြန်မာနိုင်ငံတွင် လက်ရှိ ဖြစ်ပွားလျက်ရှိသော ရခိုင်ပြည်နယ်တွင်း ပဋိပက္ခများနှင့် ရိုဟင်ဂျာအရေး တို့ကိုလည်း ဒေါ်အောင်ဆန်းစုကြည်က ပြောဆိုသွားသေးသည်။

ရခိုင်အရေးမှာ တရားဥပဒေစိုးမိုးမှု မရှိခြင်းကြောင့် ဖြစ်ကြောင်း၊ ရခိုင်ဒေသ ပဋိပက္ခမှာ မြန်မာပြည်အတွက် အရေးကြီးတဲ့ သင်ခန်းစာဖြစ်ကြောင်း၊ ပြန်လည် ငြိမ်းချမ်းဖို့အတွက် အားလုံး ပူးပေါင်း ဆောင်ရွက်ရမည်ဖြစ်ကြောင်း သတင်းထောက်တဦး၏ အမေးကို ဒေါ်အောင်ဆန်းစုကြည်က ပြန်လည် ဖြေကြားခဲ့ခြင်း ဖြစ်သည်။

ထို့ပြင် ဒေါ်အောင်ဆန်းစုကြည်က ဘင်္ဂလားဒေ့ရ်ှနှင့် မြန်မာနိုင်ငံကြား နယ်စပ်အရေး ကိစ္စများတွင် နှစ်ဖက်လုံး၏ အားနည်းချက်များရှိခဲ့သည့်အတွက် တရားမဝင် ဝင်ရောက်လာသူများ အချိန်တိုင်းတွင် ရှိခဲ့ကြောင်း၊ နိုင်ငံသား တယောက် ဖြစ်ရန်အတွက် နိုင်ငံသားဖြစ်ခွင့်နှင့် စပ်ဆိုင်သည့်ဥပဒေများ အမှန်တကယ် အသက်ဝင်ဖို့ လိုအပ်ကြောင်း ထည့်သွင်းပြောဆိုသွားသည်။

ရိုဟင်ဂျာများမှာ မြန်မာနိုင်ငံမှ တိုင်းရင်းသားများ မဟုတ်ကြောင်း မြန်မာအစိုးရက ကြေညာထားသည်။

ရခိုင်ပြည်နယ် ပဋိပက္ခများအတွင်း ဇွန်လ ၈ ရက်နေ့မှ ၁၁ နေ့အထိ လူပေါင်း ၂၁ ဦး သေဆုံးခဲ့ပြီး ၂၁ ဦး ဒဏ်ရာရရှိခဲ့ သည်ဟု နိုင်ငံပိုင် သတင်းစာများက ရေးသားသည်။ ယင်းအပြင် လူနေအိမ် ၁၆၆၂ လုံး၊ ဆိုင်ခန်း ခြောက်ခန်း၊ ဆိုင်ကယ် ၁၈ စီး၊ ထော်လာဂျီ သုံးစီး၊ စက်ဘီး ကိုးစီးတို့လည်း ပျက်စီးခဲ့ရသည်ဟု ဆိုသည်။

အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ကမ္ဘာ့ အလုပ်သမား အဖွဲ့ချုပ် ILO ညီလာခံတွင် မိန့်ခွန်းပြောဆိုနေစဉ် (Photo: ILO)

ဒေါ်အောင်ဆန်းစုကြည်၏ ခရီးစဉ်တွင် နော်ဝေနိုင်ငံ၊ အော်စလိုမြို့သို့ ဇွန်လ ၁၅ ရက်နေ့တွင် သွားရောက်ကာ ၁၉၉၁ ခုနှစ်က ရရှိခဲ့သည့် ငြိမ်းချမ်းရေးနိုဘယ်ဆုအား ကိုယ်တိုင်လက်ခံရယူကာ မိန့်ခွန်းပြောကြားမည် ဖြစ်သည်။

ထို့နောက် ဇွန်လ ၁၈ ရက်နေ့တွင် အိုင်ယာလန်နိုင်ငံ၊ ဒဗ္ဗလင်မြို့သို့ သွားရောက်ကာ ကမ္ဘာကျော် U2 တေးဂီတအဖွဲ့၏
ဖျော်ဖြေပွဲသို့ တက်ရောက်ပြီး အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ IA က ချီးမြှင့်ထားပြီး ဖြစ်သည့် Ambassador of Conscience ဆုကို လက်ခံရယူမည်ဖြစ်သည်။ ထိုဆုကို U2 ခေါင်းဆောင် ရော့ခ်အဆိုတော် Bono က ပေးအပ်ရန် စီစဉ်ထားသည်။

ထိုနေ့တွင်ပင် ဗြိတိန်နိုင်ငံသို့ ခရီးဆက်၍ ဇွန်လ ၂၆ ရက်နေ့ထိ နေထိုင်မည် ဖြစ်သည်။ ထိုအတောအတွင်း ဇွန်လ ၁၉ ရက်နေ့တွင် ကျရောက်သည့် ၆၇ နှစ်မြောက် မွေးနေ့ကိုလည်း သားနှစ်ယောက်နှင့်အတူ ကျင်းပရန်ရှိပြီး ဇွန် ၂၁ ရက်နေ့တွင် ဗြိတိန် လွှတ်တော်နှစ်ရပ်သို့ မိန့်ခွန်းပြောကြားမည် ဖြစ်သည်။

ထို့ပြင် BBC Reith lectures တွင် “သဘောထားကွဲလွဲမှုနှင့် လွတ်လပ်မှု” ဟူသည့် ခေါင်းစဉ်ဖြင့် ပို့ချရန် စီစဉ်ထားပြီး
ဒေါ်အောင်ဆန်းစုကြည် အလွန်နှစ်သက်သော BBC တေးဂီတ အစီအစဉ်တခု ဖြစ်သည့် A Jolly Good Show ၏ အစီအစဉ်မှူး Hairy Cornflake နှင့်လည်း တွေ့ဆုံနိုင်မည် ဖြစ်သည်။

ယခုခရီးစဉ်၏ နောက်ဆုံးနိုင်ငံဖြစ်သည့် ပြင်သစ်နိုင်ငံ ပဲရစ်မြို့တွင် သမ္မတ Francois Hollande ၏ ဧည့်သည်အဖြစ် ဇွန်လ ၂၉ ရက်နေ့ထိ နေထိုင်မည် ဖြစ်သည်။

ဥရောပ ငါးနိုင်ငံ ခရီးစဉ် ပြီးဆုံး၍ မြန်မာနိုင်ငံသို့ ပြန်ရောက်သည့်အခါ ပြည်သူ့လွှတ်တော်နှင့် ပြည်ထောင်စု လွှတ်တော် ပုံမှန်အစည်းအဝေးများသို့ ဇူလိုင်လ ၄ ရက်နေ့တွင် စတင်တက်ရောက်ဆွေးနွေးနိုင်မည် ဖြစ်သည်။
by Mizzima - News in Burmese  
Posted: 14 Jun 2012 05:38 PM PDT

No comments:

Post a Comment

Related Posts Plugin for WordPress, Blogger...
စာမရေးဖြစ်တော့တာကြောင့် ကျနော်ကြိုက်ပြီး ဖတ်စေချင်တဲ့စာလေးတွေကို တင်ထားပါတယ်ဗျာ